الشمع اللي بيتكون في الأذن بيتم إنتاجه من خلال غدد في قناة الأذن. و علي الرغم من إن العلماء لسه مش متأكدين بشكل تام من سبب وجود شمع الأذن لكن الشمع دا مفيد لأنه بيمنع الغبار و الجسيمات الصغيرة إنها تدخل الأذن، وبالتالي بيمنع من ضرر إصابه طبلة الأذن بالعدوى.
وفي العادي الشمع دا بيجف مع الوقت وبيسقط خارج الأذن هو والغبار والجسيمات العالقة بالشمع.
كلنا بنكون شمع داخل الأذن لكن كمية الشمع اللي بيتكون بتفرق علي حسب الجينات الوراثية. لكن قنوات الأذن الصغيرة او الغير طبيعية ممكن تسبب عدم خروج الشمع من قناة الأذن بسهولة او تكوين تكتلات شمعية.
بيحصل انسداد داخل قناه الأذن و دا الدكاترة بتعتبره واحده من اشهر مشاكل الأذن المنتشرة.
و السبب في الغالب بيكون انك بتستخدم قطع تنظيف الأذن القطنية او المناديل الملفوفة او بنس الشعر في تنظيف الأذن و اللي بتزيل بالفعل الشمع السطحي لكن بتدفع باقي الشمع داخل أعماق قناه الأذن دا غير إن اللي بيستخدموا أجهزه السمع و سدادات الأذن لفترات طويلة بيكونوا معرضين اكتر لانسداد الأذن بالشمع.
ممكن طبيبك ينصحك بطريقه تزيل بيها الشمع من أذنك في حاله إنك معندكش أي ثقب في طبله الأذن.
ممكن امنع تكون شمع في الأذن؟
ممكن نمنع تكون شمع داخل الأذن من خلال إننا نبعد عن استخدام سدادات الأذن او استخدام قطع تنظيف الأذن القطنية او المناديل الملفوفة او بنس الشعر في تنظيف الأذن.
لو عندك تكتلات شمعيه او مشاكل في الأذن او حابب إنك تتطمن على سمعك تقدر تحجز عند دكتور انف واذن وحنجرة من على موقعنا:
التعليقات
تعليق 0